BANGKOK, Tailandia – Polis Tailandes lo bay wak si nan por kita “contenidonan inapropia online” mas lihe. Polis na Tailandia a bisa diaranson, cu despues un homber Tailandes a pone imagennan di video riba Facebook caminda cu por a mira con e ta mata su yiu muhe di 11 aña. E tata a wordo haya morto despues banda di e curpa di su yiu muhe.
E imagennan a permanece mas of menos un 24 ora riba e medio social prome cu el a wordo nota y removi, polis a bisa diaranson. Riba e imagen por a mira con Wuttisan Wongtalay, a pone un cabuya rond di e nek di su yiu muhe y despues a strangul’e. Despues el a benta e curpa sin bida for di e piso di mas halto di un edificio bandona den e ciudad di Phuket.
Na principio di e luna aki por a mira un video live riba Facebook, con den e ciudad Mericano Cleveland, un homber a mata un anciano di 74 aña. Mark Zuckerberg di Facebook a declara despues di e incidente di Cleveland cu Facebook “lo haci tur lo posibel pa evita cu tipo di tragedianan aki keda sosode.”
Fuente: ANP