For di siman pasa polis a cuminsa yuda dirigi e trafico entre San Nicolaas y Oranjestad pa cu e proyecto di Green corridor segun Sr. Lito Lacle , vocero policial.
E tarea di polis den e situacion di trafico, ta pa zorg pa e movilidad. Cuerpo Policial a traha un afspraak cu DOW y instancianan concerni cu entre 6 or y 9 or di mainta, lo tin un polis at yuda cu e fluho di trafico y tambe entre 4 or di atardi y 8 or di anochi, tambe lo tin un agente pa yuda dirigi e trafico. Despues di 8 or di mainta, e fluho di trafico ta baha.
Segun Sr. Lacle, si bay over na cera e camindanan manera debe ser, esey lo por yuda cu e fluho di trafico. Trabao di polis ta pa yuda pa e flow di trafico sigui y di DOW ta pa cera e camindanan. TIn coleganan di trafico cu a bin check e situacion y atardi nan ta bek, pa asina midi ki ora lo mester di e polis pa dirigi e trafico. E problema ey ta pa e trafico cu ta baha di Yara, e chauffeur mester tene cuenta cu e polis cu e ta dirigi e trafico y sigui su instruccionnan.
En conexion cu e dianan di fiesta cu ta acercando, ya caba autoridadnan policial for di weekend caba, ya caba nan tin surveillance riba e stripnan di hotel, na e luganan di campamento. TIn un grupo di polis, trahando specialmente pa cu e campamento. Tambe lo bay tin controlnan pa evita accidentnan cu resultadonan cu por ta fatal.
Sr. Lito Lacle a haci un yamada pa esunnan cu tin pensa di bay bebe, pa por fabor laga otro hende stuur. Coremento bou influencia di alcohol, autoridadnan lo bay target esaki.