Polis tabata riba un patruya den J.E. Irausquin Boulevard. Yegando banda di “Barcelo Resort”, a mira un Mitsubishi Lancer blauw cu tabata para na altura di e bushalte. Den cuadro cu esaki a bay controla e auto. Ora cu a acerca e auto, esaki a core bay direccion zuid. Tambe un pasahero a sali for di e auto y a cana bay rapidamente direccion nort. E homber desconoci a wordo para, mirando cu e tabata tin un comportacion sospechoso, y mirando esaki, e tabata mustra cu e tabata tin droga den su poder. E sospechoso a wordo ristra y den su rugtas polis a bin haya un saco di plastick chikito cu marihuana den dje. L. a wordo deteni como sospechoso y hiba warda.