Diabierna, pa mas of menos 11’or y 35 di mainta, durante control den e bario di Simeon Antonio, polis di bario por a wak riba un tereno di un cas den dicho bario, un cierto cantidad di mata parecido na Marihuana. Ora cu polis a acerca e tereno nan a papia cu un dama. Riba e pregunta di kende e matanan di marihuana ta, e dama a declara cu e lo yama e doño. Despues di un rato, a acerca un homber, kende a bisa cu e yama M, di 29 aña di edad, naci na Aruba, y a admiti cu e ta e doño di e cuater matanan di marihauan. A bis’e claramente cu e cultivo di matanan di marihuana ta prohibi y cu e lo haya un proces-verbaal. E matanan di marihuana a wordo confisca.