BOGOTA, Colombia – Den e localidad di Los Martires, cerca di e luga unda cu tabata Bronx, un muhe a wordo sorprendi pa polis di Bogota mientras cu e tabata den un bicitaxi “Danki na e constante controlnan di polis den e sector aki, a wordo captura un muhe, kende a mobilisa den un bicitaxi, polis a haci señal pa para, a nota cu e muhe a bira algo nervioso, loke a lanta e curiosidad di un polis, logrando descubri e gran cantidad di droga den interior di un maleta cu e muhe tabata tin cun’e,” coronel Yorgin Malagon a manifesta na Caracol Radio.
A logra confisca mas di 8000 dosis di droga entre cual tabata tin base, cocaina, marihuana y pildonan di rivotril.
Ademas, e coronel a splica cu por lo menos 15 persona a wordo captura despues di e intervencion di Bronx, cu ta cumpli ya un aña, cu lo a forma parti di organisacionnan delincuencial di e zona aki di e ciudad.
E intervencion di e zona di e ciudad aki di parti di e autoridadnan, aña pasa, tabata un golpi sigur riba e expendedornan y a disminui e ola di morto, desaparicion y delincuencia cu tabata wordo cometi den pleno centro di e ciudad, un sector cu e cronicanan mas sangriento di mundo por denomina como e “ciudad di morto.” Pero loke nan mester a biba esnan cu ta sigui cana den e cayanan di e ciudad, incluso e pais, ta sigui ta mescos, por ta pio.
Awo e debate principal, tras di un aña di e toma di e zona di e ciudad aki, ta e retonan cu ta centra caminda cu e episodio aki no ta ripiti. Desde final di Mei di 2016, ora cu e zona di Bronx a wordo interveni pa autoridadnan, a reina un trankilidad. E recuperacion di e sector aki a pone den evidencia e excesonan cometi pa gruponan criminal.
Fuente: www.elespectador.com