Polis a detene pa prome biaha diabierna, un muhe dedica n’e hortamento di droga, hunto cu otro 18 persona den un asina yama “Troyan Container”: un container aparentemente bashi pero cu tin hende scondi pa haya droga di otro container.
Polis a efectua asina un total di 19 detention. Entre nan tabatin seis menor di edad. Esun di mas hoben entre nan tin 14 aña. E detencion mas notabel tabata di un muhe hoben di 18 aña fo’i Rotterdam.
Seis di e traficantenan ta di Belgica, pero polis no a menciona fo’i ki luga. Cuater sospechoso ta di Rotterdam y tin entre 18 y 25 aña. Fuera di esey, dos sospechoso ta di Lansingerland (17 y 18 aña), uno di Albasserdam (18 aña), dos di Den Haag (14 y 21 aña) y uno di Roermond (18 aña).
Tambe a detene un coredo di truck di 51 aña fo’i Bosnia y Herzegovina.