Dialuna, pa mas of menos 1’or y 50 di madruga, central ta dirigi patruya na Holiday Inn Hotel, pa un persona cu tabata ofrece droga na turista riba beach di Holiday Inn.
Eynan a papia cu persona di siguridad, kendenan a splica cu nan a mira un homber desconoci ta ofrece droga na turista.
E homber desconoci tabata di 1.80 meter di haltura, postura delega, color bruin y tabata tin un jeans color blauw bisti y un camisa manga largo beige. Polis a controla e beach dilanti Holiday Inn, pero no a mira nada particular. Nan a sigui cana bay direccion nort y a bin topa na altura di Moomba Beach un homber cu e descripcion duna pa e testigo.
Den e cuadro aki e homber a wordo deteni. Polis a puntra e homber si e tabata tin algo particular cun’e y a haya como contesta cu e tabata tin “weed” riba dje. A base di esaki a ristre y a bin haya den su saco drechi robes algun saco chikito cu contenido parecido na “marihuana”, un stick di marihuana, un saco doorzichtig cu substancia parecido na cocaina, un otro saco chikito cu puiro berde den dje y un otro saco cu puiro ros. A base di esaki el a keda deteni y hiba warda di polis pa mas investigacion. Central a wordo poni na altura.