AMSTERDAM ZUIDOOST, Hulanda – Polis ta pidi publico cu diahuebs anochi por a mira algo particular na of den vecindario di Maldenhof, Gaasperdammerpad y Reigersbospad, na Amsterdam-Zuidoost. Eynan un muhe a wordo tira mata despues cu el a laga su yiu muhe di seis aña na scol.
Dicon el a sosode y door di ken no ta completamente sigur. Pesey recherche ta spera cu testigonan cu posiblemente por a mira algo, por ehempel si e dama lo a wordo sigui despues cu el a laga e yiu na scol.
Magdalena di 28 aña a wordo severamente herida na Maldenhof despues di melding di un tiroteo. Intentonan di reanimacion no a logra nada y el a fayece na e sitio. E dama no tabata un conocido di polis.
Fuente: De Telegraaf