Diahuebs, polis ta wordo manda door di Central na un adres na Macuarima, caminda cu lo tabata tin un homber cu un herida di tiro. Na e sitio polis a bin topa e conocido di polis y husticia, E., kende tabata tin sanger na su curpa y riba su paña, a declara na polis cu el a wordo maltrata pa sobrino di e homber J cu e cabo di un revolver.
E problema a cuminsa den un minimarket Chines na Madiki. J. a menas’e cu morto. Ambulance a yega na e sitio y a trata E. na e sitio. E. tabata tin por lo menos dos kap chikito patras di su cabes, asina mes e no tabata kier a sigui haya tratamento. Recherche a bin na e sitio y a tuma e caso over. E. a declara na polis cu e revolver tabata di caliber 38 mm y cu posiblemente tabata tin bala den dje y tabata preto di color.