MADRID, Spaña- Polis Spaño diaranson mainta a detene diesdos ambtenaar na Cataluña relaciona cu accionnan contra di organisamento di referendum pa independencia.
Medionan Spaña a informa di e detencion di e di dos homber di e Ministerio Catalan di Economia, Josep Maria Jovel.
Segun medionan local polisnan a tene nuebe inval den oficinanan di e gobierno regional. Guardia Civil a drenta oficinanan di gobierno Catalan unda cu e directiva ta atende cu relacionnan exterior, asuntonan social y asuntonan economico. Gobierno di prome minister Spaño Carles Puigdemont a yama un reunion cu caracter di urgencia pa su miembronan.
Politiconan separatista kier tene un referendum tocante independencia di e region. Nan tin un mayoria chikito den e parlamento regional di Cataluña. Segun Madrid, e referendum ta contra di constitucion y por lo tanto e no por bay door.
Cataluña ta ocupa 6.6% di Reino Spaño y 16 % di 47 miyon ciudadano Spaño ta biba eynan. E region ta contribui cu 20% di e Ingreso Bruto Interno.
Fuente: https://www.nu.nl/