Vocero di Polis Sr Lito Lacle a comenta cu tabata un fin di siman druk riba caya pa tanto Cuerpo Policial di Aruba tanto e pasarada di mucha na Noord diasabra y parada di mucha na San Nicolas diadomingo, tabata tin 0 detencion unda publico a sa di comporta nan mes como debe ser. E parada di Noord 6 grupo y un total di 317 mucha y parada di San Nicolas un 5 grupo total di 950 mucha. Diasabra tabata tin 35 polis trahando y diadomingo un total di 75 polis trahando.
Ultimo tempo ta tuma nota di muchanan ta core cu bais riba caminda den un forma iresponsabel y Sr Lito a comenta cu e mes a pasa den algo similar na Noord unda muchanan ta tuma un velocidad y no por controla nan mes y tin muchanan dilanti ta baila, imagina un bicicleta dal den un mucha chikito e por tin consecuencia asta fatal pe. Y polis awor aki ta manda un mensahe pa si bo core riba ruta, core cu cautela y no velocidad halto.