Na momento cu e hobencita Jednnielys Perez a haya accidebte, caminda cu lamentablemente, el a perde un pia, e tabata tin un angel guardian banda di dje. E angel guardian ta esun cu a practica CPR ariba dje.
Ta trata di e polis retira di New York, Sean Whelan. E polis tabata esun cu a pone un verband na su pia, pa asina evita cu e sangra dimas.
Pero loke ta mas conmovedor di e historia, ta cu e polis a compaña e hobencita den e Air Ambulance y cu tabata cun’e na tur momento desde e accidente. Famia di e hobencita lo yega Puerto Rico lo yega pa mei anochi.
Pero e polis aki, su gesto humano no ta caba akinan: el a paga e biahe di regreso tambe di e mayornan di Jednnielys como tambe di su ruman homber chikito.
Na yegada di e Air Ambulance, Whelan tabata e prome cu a baha di e avion. El a wordo ricibi na pia di avion pa e Prome Dama di Puerto Rico, Beatriz Rosello, cu a gradici e bon Samaritano su bon gesto pa cu e criatura y su famia.
Na nan yegada, tanto e Prome Dama como Whelan a wordo ricibi pa e Secretario di Salud, dr. Rafael Rodriguez, cu ta un neurociruhano di profesion y ya caba tabata tin full un ekipo prepara pa e yegada di e victima.
“E hobencita no ta morto celebral, e ta den un coma induci”, el a splica diabierna atardi.El a splica tambe cu e menor a perde su pia pa cual e parti bou di su rudia a wordo amputa cual lo bira mas facil pa den un futuro e lo por uza un protesis.
E victima tin factura na su bil, pa cual e ta wordo evalua pa neurociruhanonan y como tambe ortopediconan.