Polis rapido a yuda chauffeur malo

Awe den oranan di mainta automobilistanan a meld un chauffeur burachi riba caminda di Ser’i Teishi bahando pa Playa. A resulta na final cu tabata trata di un persona malo.

Segun por a comprende, e chauffeur tabata bayendo riba Green Corridor direccion di Playa y tur esnancu a mira a kere cu e tabata burachi. E tabata zwaai riba caminda. A manda tanto patruya como Motor Unit na e sitio.

E Polisnan rapidamente a constata cu no tabata trata di un persona burachi pero mas bien malo. Mesora a yama ambulance, cu tambe a yega lihe na e sitio. A transport’e mesora pa hospital y cu urgencia pasobra e tabata mustra basta malo.

Palabra na elogio pa Polis y personal di Ambulance.

 

Comments

comments