Diabierna pa mas o menos 9:25 anochi polisnan motoriza a para un nissan march na final di caya San Nicolas altura di Fang restaurant. A bay pa controla e auto wak si e documentonan ta na ordo,pero e oficialnan atento a tuma nota cu e chauffeur a haci un movecion straño y no a confia esaki.
E oficialnan a bay cu extra cautela riba e auto. Y durante e control a bin haya un arma di candela cu basta municion y sakitonan di droga den e auto. E chauffeur masculino a keda deteni di biaha na e sitio den Lagoweg. A notifica recherche di e departamento di crimen organisa y tambe narcotica relaciona cu e caso aki y departamento forensico haci nan investigacion riba e auto.