Separa di nan trabou diario di controla na nos costanan riba tera of den nos awanan teritorial via nan boto of waverunner, Polisnan Maritimo ta haci hopi mas. Un di e trabounan popular ultimamente ta rescata botonan cu problema, manera a sosode diadomingo mainta.
Tabata pa 10:30am cu a bati alarma na e oficina di Polisnan Maritimo conoci como “Strand Politie” pa un boto cu problema na 1 miya “oost” di Sero Colorado cu dos tripulante abordo. Na e sitio Polisnan a topa cu e boto “Chabela 2” registra cu e matricula A-1254.
Polisnan a touw e boto te na Rodgers Beach y a percura pa nan yega tera sano y salvo. Ambos tripulante a keda masha gradici pa e ayudo aki y a keda di bay revisa e motor pa mira kico por tabata e fayo.
