Movecion straño di un boto biniendo for di Venezuela pa Aruba pero kier a drenta for di pariba tabata ser vigila pa autoridad. E radar di kustwacht tabata vigila e boto aki algun miya pazuid di refineria con duro e tabata core pa drenta paden, pero polis maritimo a yega basta lihe y asina intercepta e boto cu tres persona abordo. Tabata un boto local, a hiba e boto aki na waf di Barcadera cu e tripulacion abordo. Asina a tene un control di parti, inmigracion, douanne, k9 unit di Polis y maritiem riba e boto, debi na e forma con e boto kier a drenta Aruba pa kita sospechoso a tene e control grandi aki. No a topa cu nada iregularidad riba e boto y ni riba e hendenan y tur cos tabata bou control y asina a laga e boto sigui su caminda.