Polis maritimo a trece e curpa sin bida haya riba lama pabou di LightHouse

Diamars merdia personanan atento a mira un homber drenta lama via di Boca Catalina pero a dura algun rato cu e homber no a sali mas y nan a bati alarma. Strandpolitie a yega na e sitio y a tuma dato a topa cu e homber su auto cu a keda atras.

A yega waf di Playa cu e curpa

Posted by MasNoticia.com on Tuesday, June 23, 2020

Helicopter di Polis y polis maritimo a drenta accion di biaha a cuminsa cu un buskeda. Pabou di light house helicopter di polis a capta un movecion e piloto a baha poco y topa cu e homber sin bida ta drief. Polis maritimo a yega di biaha na e sitio y divers a drenta lama y saca e curpa sin bida for di awa. A bay waf di Playa unda familiarnan a yega tambe. Personal di slachtofferhulp a presenta pa asina asisti e famia, dokter a yega tambe pa constata morto. Pa 1:50 dr Texier ta constata morto di F.J. naci na Aruba 10-10-1939 ( 80 aña).

Comments

comments