Ministerio Publico y Cuerpo Policial di Aruba ta informa cu Polis lo hiba un maneho di Zero-Tolerancia riba Diabierna ora di entrega di e lista di candidato di e partidonan politico na Stadhuis na Oranjestad. Polis lo actua na un manera dicidido pa garantisa siguridad riba caya. Ministerio Publico lo sostene e Zero-Tolerancia di Polis cu nos maneho di Faya-Bo-Haya.
E maneho Faya-Bo-Haya ta encera cu Ministerio Publico lo ofrece un boet na personanan cu keda deteni relaciona cu delitonan relativamente simpel manera violencia leve, destruccion, buracheria y otro comportamentonan inaceptabel. Si e detenido dicidi pa paga mes ora, anto e caso ta cla. Si dicidi pa no paga, anto e persona en cuestion lo wordo persigui. E exigencia den Corte ta cay semper bastante mas halto cu e boet na Warda di Polis, y p’esey ta recomendabel pa paga na Warda di Polis mes.
Ministerio Publico ta haci un yamada urgente na publico pa paga tino cu bebemento di alcohol. Mal comportamento lo no wordo tolera. Polis lo actua estrictamente contra esnan cu comporta robes.