Polis di Riot a uza gas lagrimogeno riba e manifestantenan di vest geel den centro di Paris, cu a marcha diasabra ultimo pa di 23 fin di siman consecutivo. E capital Frances tabata e esenario di e caos na momento cu polis a enfrenta e manifestantenan, kendenan a cende candelanan chikito. E video a mustra huma preto den aire. Polis a uza cayon di awa pa plama e multitud di hende for di otro.
Oficina di fiscal di Paris a duna di conoce cu 182 manifestante di vest geel e keda poni den custodia di polis. Esaki ta e prome manifestacion desde e candela desastroso di e siman aki na e catedral di Notre Dam.
E ministerio interior a duna di conoce cu 27.900 persona a manifesta na Francia, incluyendo 9.000 na Paris. E manifestantenan tabata canta y toca instrumentonan musical mientras nan tabata marcha, contra e inhusticia economico. Algun hende ta bisa cu tur e miyones di dollar na donacion pa reconstrui Notre Dam ta un señal evidente di e desigualdad den e pais.
‘’Tur cos ta pa Notre Dam, nada ta pa e miserabelnan’’ esey ta skirbi riba un di e borchi di protesta di un vest geel, cu ta referi na e novela ‘’Les miserables’’ di e autor Frances Victor Hugo. ‘’ Nos tur ta catedral’’ ta skirbi riba un otro borchi.
Protestantenan ta tuma e cover for di e gas lagrimogeno durante un demostracion anti-gobierno na Paris.
Gobierno a adverti e manifestantenan cu polis lo haci uzo di tur medida necesario pa asina evita cu e protesta sali di control.
A pone mas di 60.000 polis disponibel ful rond di Francia pa deal cu e protestanan, Minister Interior Christophe Castaner a remarca.
Tabata tin protesta den otro cuidadnan incluyendo Bordeaux, Toulouse, Marseille y Lille, Agence-Presse a reporta. Polis a lansa gas lagrimogeno na Toulouse, unda miles di persona tabata demostra segun Reuters.
E protestanan di ‘’gilets jaunes’’ of ‘’vest geel’’ a cuminsa como un campaña contra e aumento di impuesto di gas, pero cu a transforma den un manifestacion mas grandi contra e gobierno di presidente Emmanuel Macron.
Macron tabata programa pa haci un discurso na television nacional dialuna y anuncia medida pa calma tur disturbio. Enbes di esey, el a papia di e candela di Notre Dam. Macron ta prepara pa haci su anuncio, diahuebs binidero, segun Reuters. Den su discurso di Aña nobo, Macron a refiri na e movimento sin nombr’e. El a reconoce e rabia contra inhusticia, pero a bisa cu no lo tolera e discurso di odio y a pidi pa tur persona respeta otro mutuamente. Tambe el a compromete di aumenta e salario minimo y deshaci di e impuesto riba pension pa trankilisa e manifestantenan.