PAIS VASCO, Spaña- Polis autonomo di Pais Vasco, Spaña a revela cu, den un investigacion internacional, nan a logra frustra un suicidio colectivo di ciudadanonan di varios pais, cu lo a wordo orkestra pa un adolescente Argentino a trabes di rednan social, segun e corant Spaño El Pais.
Segun un comunicado di polis Vasco, e investigacion a cuminsa dia 19 di Juli ultimo, despues cu agentenan a descubri riba rednan social un “yamada pa comete suicidio den grupo”. Nan tabata pretende di kita nan bida na final di aña, pero e presunto autor di e yamado a dicidi di anticipa esaki y haci’e dia 17 di Augustus. Ta calcula cu e fecha scogi lo tabata pa marca e aniversario di fayecimento di un persona pega di e autor.
Den colaboracion cu varios organismo na nivel internacional, Interpol entre otro, Ertzaintza (polis Vasco) a logra identifica e presutno inductor pa suicidio, cu ta biba na Argentina.
Autoridadnan Argentino a detene e adolescente sospecho na su cas den e municipio di San Jose, Entre Rios, dia 11 di Augustus ultimo. Den su camber polisnan a haya “varios cuchiu, como tambe varios gauze macha cu sanger. E hoben ta bou tratamento medico.
Fuente: https://actualidad.rt.com