Patruya di Oranjestad den oranan di marduga pasando entre Avenida Alo Tromp y Ranchostraat a capta un yaris coriendo luz paga y di biaha a duna e chauffeur señal pa para. A solicita mas patruya pa un control.
Durante e listramento momento cu a saca e chauffeur for di e auto e oficialnan a canta bingo. Cantidad di droga e.o marihuana y cocaina a keda haya. A sigui listra. A tuma e auto den beslag di biaha y notifica departamento di narcotica. E sospechoso a keda transporta pa warda di Polis.