CLEVELAND, Ohio – Polis di Cleveland ta buscando un sospechoso kende a publica riba Facebook e aparente asesinato di un anciano, segun autoridadnan diadomingo.
E sospechoso ta afirma di a comete multiple asesinato, di acuerdo cu polis. Ningun otro victima a wordo haya, e vocero di e Departamento di Polis di Cleveland, e sargento Jennifer Ciaccia, a bisa.
Polis a identifica e sospechoso como Steve Stephens. Autoridadnan ta bisa cu ta un homber AfroAmericano cu barba. El a wordo mira pa ultimo biaha coriendo un Ford Fusion blanco cu numbernan temporal, di acuerdo cu polis, cu a bisa cu e ta arma y peligroso. FBI ta colaborando den e buskeda.
E mama di Stephens, Maggie Green, a bisa CNN cu el a papia cu su yiu diadomingo y el a bis’e cu e “tabata rabia cu su amiga y pesey e tabata tirando hende y cu e no lo stop si su mama of amiga bis’e pa stop.”
Green a bisa cu el a bisa su yiu pa e stop. Polis no a duna di conoce un posibel motibo.
E caceria di Stephens a causa alarma. E Universidad Estatal di Cleveland a emiti un alerta riba rednan social.
Fuente: CNN en Español