Despues cu candidato no. 2 di partido bede AVP, Mike de Meza, a caba di deposita su voto, Polisnan a haya problema cu su simpatisantenan.
A resulta cu despues e caravana di vehiculo a sigui core rond den un parada, locual no ta permiti riba e dia di awe. Polis a papia cu e candidato y su hendenan y a kibra e parada.
Sinembargo algun rato despues, a bolbe topa cu e parada aki, cu tabata mas cu e 10 autonan permiti. Un biaha mas a kibra e parada y aparentemente aki ta caminda cu e emocionnan a bay halto, pasobra hasta menasa a cay contra e Polisnan. A bisa nan cu lo sigui cu e parada.
Riba e combinacion di foto por mira e cantidad di polisnan manda pa e paradanan aki na San Nicolas.