Polis: Control ariba vehiculo cu ta saca huma preto

Studiantenan di polis na Noord ta keda activo y e biaha aki ariba e tereno di medio ambiente. Pa finalisa nan estudio di polis, un grupo di studiante tin e tarea pa haci un proyecto cu tin haber cu medio ambiente.
E grupo a opta pa controla vehiculonan di motor cu ta saca huma preto y ta causa peliger pa ser humano, automobilista, peaton y nos medio ambiente.
E control aki ta bai cuminsa dia 15 di mei 2019 y lo keda activo. Ta manda un señal fuerte pa tur persona cu ta maneha nan vehiculo di motor pa controla esaki y evita un multa indesea. E huma preto no ta simplemente un molester pero e ta dañino pa salud di hende y nos naturalesa.
Bou guia di e agente policial M. GEERMAN, L. STUART, S. VAN EENENNAAM y D. DE CASTRO nan ta cla pa ehecuta e proyecto aki pa prevencion di nos medio ambiente pa e siguiente generacion.

Comments

comments