MISSOURI, Merca- Cientros di activistanan a marcha den e cayanan di e ciudad di St. Louis, pa di tres dia consecutivo pa protesta contra di e absolucion di un ex- polis di e ciudad. E agente oficial aki, na 2011 a asesina un hoben Afroamericano. Den e dianan anterior e protestanan a termina den enfrentamento, vandalismo, detencion di algun di e manifestantenan.
Polis local a raporta ariba nan cuenta di Twitter cu, despues di a ricibi e informe di “dañonan material significativo” y de e presencia di “instigadornan cu a kibra varios benta” a manda unidadnan anti- disturbio pa e ciudad como refuerso.
Segun informenan al menos 80 persona a wordo deteni y e forsanan di siguridad ta sigui detene protestantenan agresivo.
Autoridadnan a adverti e habitantenan di St. Louis cu lo por tin retraso den transporte y cayanan por wordo cera temporalmente, mientras cu agentenan di polis anti-disturbio ta trahando ariba e proteccion di e area.
Fuente:https://actualidad.rt.com/