BERLIN, Alemania- Polis di Alemania diadomingo a tira riba un sospecho den e Catedral di Berlin. Segun informenan di e medio local, ‘Berliner Zeitung’, un vocero di polis di Berlin a sigura cu polis a tira riba un homber den e capital Aleman unda cu’n agente a resulta herida.
Autoridadnan no a duna mas informacion. Un testigo a publica ariba Twitter varios video unda cu por wak con polis ta desvia turista- y peatonnan pa cayanan rond di e catedral. Segun un tweet di polis di Berlin, e homber tabata ‘haciendo un scandal’ banda di 4 or di atardi, paden di e catedral. Polis a tira riba dje, heridando e persona na su pia.
Polis ta pidi den e mesun tweet pa autoridadnan evita speculacion te ora cu tin mas informacion.
Fuente: EL Confidencial