BREMEN, Alemania – Polis di Bremen a aresta seis persona cu lo tabata tin planea pa ataca un joyeria a Osterholz-Scharmbeck. Cu e botin nan kier a financia e compra di armanan automatico. Segun Welt am Sonntag, algun di e sospechosonan ta musulmannan radical.
Un di e detenidonan ta bin for di Francia, unda cu segun servicionan di inteligencia ta circula den “gruponan Yihadista.”
Fuera di esey tin dos Algerino, dos Libanes y un Aleman deteni. Ministerio Publico no kier a bisa nada diasabra, riba e posibel antecedente terorista di e hecho castigabel. E Frances ta keda sigur den detencion, mescos cu tur e otro sospechosonan.
Welt am Sonntag a bisa riba nan website cu autoridadnan Aleman a ricibi un tip cu militantenan Frances Islamita tabata tin planea pa posesiona armanan pisa y pistoolnan automatico na Alemania, posiblemente pa comete atentadonan.
E placa necesario mester for di atraconan. Un investigacion masivo, caminda cu polis federal y servicio di siguridad Frances ta traha hunto, tabata andando ya pa varios siman.
Fuente: www.nu.nl