FLINT, Michigan – E atake riba un polis, cu a wordo hinca, a provoca e evacuacion y ceramento di e aeropuerto Bishop International di Flint (Michigan), caminda cu ningun pasahero a resulta herida, autoridadnan a informa.
E agente a wordo traslada na un hospital y ta den un estado grave, na momento cu un sospechoso a wordo aresta, Polis di Michigan a indica, sin precisa e motibo di e agresion ni aporta detayenan riba e detenido.
“E agente ta den estado grave. Por fabor, ten’e e agente den boso oracionnan. E aeropuerto ta cera” como medida di precaucion, Polis estatal a afirma riba nan cuenta oficial di Twitter, ora cu nan a indica cu FBI ta encarga di investiga e caso.
E hincamento a sosode rond di 9’or y 45 di mainta riba e di dos piso di e terminal principal di e aeropuerto, e di tres mas grandi di Michigan cu un trafico anual di 800 mil pasahero.
E testigo Ken Brown, a declara na e television local MLive cu el a mira un homber deteni cerca di un cuchiu y un polis na rudia “sangrando na su nek.”
Polis a conseha biaheronan cu ta uza e aeropuerto, pa tuma contacto cu nan aerolinea pasobra “e lo permanece cera te cu un proximo aviso.”
Fuente: www.efe.com