Diadomingo atardi area di Mangel Halto tabata basta druk mes di hende y tambe autonan. Algun persona a dicidi di burnout pa basta rato den e publico grandi presente, te hasta mucha tabata presencia esaki y por tabata tin su consecuencia si un chauffeur no controla su stuur. Personanan a cuminsa yama polis di e caso aki y patruyanan a presenta. Bou ordo di Fiscal Pronk di Ministerio Publico a duna e oficialnan autoridad pa tuma cuatro aki den beslag y un a keda kita pa seguro.
Consecuencia ora Polis tuma auto den beslag bou ordo di fiscal:
Ya caba tin un caso cu a bay den corte unda simannan atras polis a para un vehiculo coriendo 170 kmh riba green corridor. Bou ordo di fiscal a tuma e auto den beslag, y a kita e rijbewijs di e chauffeur. E caso a presenta den corte e prome siman di December y hues a dicta na fabor di Fiscal, di kita e rijbewijs di e chauffeur y e auto den beslag pa semper y lo bay pasa pa e siguiente stap pa cu esaki. Awor lo tin cu wak kico fiscal lo bay trece dilanti cerca hues si lo kita e autonan aki pa semper for di e chauffeurnan y sea lo bendenan of crash esakinan.