Diamars anochi riba e caminda principal di Savaneta un patruya di San Nicolas a topa cara cara cu un auto bahando for di pariba riba riem y sin bumper dilanti, e oficialnan no a basila y a bira bek y bay tras di e auto cu tabata direccion pa Pos Chikito, cu zwaailight y sirena tras di e auto color scur, e chauffeur no tabata kier a para mes.
E auto aki tabata coriendo iresposabel y lo a box un caminda prome debi cu e bumper a keda atras otro banda di wintergarden supermarket. Na altura di e botica na Pos Chikito e patruya di San Nicolas a bay pa blokia e auto y asina e chauffeur a logra di para pa patruya. E oficialnan a baha y detene e chauffeur di biaha pa no a sigui orden di autoridad.
E a constata cu di berdad e homber tabata core e auto riba riem robes patras, y sin bumper y falta un luz. A tuma e auto den beslag y e detenido a keda transporta pa warda di Polis.