Diadomingo marduga den careda di 12or central di polis ta haya un informe cu bisiñanan na Tanki Leendert lo ta wak 3 hende sospechoso bandi un cas y cu un par di dia prome a horta na e cas caba. Patruya di playa ta bay na e sitio y ora a yega e patruya a topa cu 3 hende homber ta core sali for di e cas y drenta mondi.
Mesora e patruya a pidi resfuerso pa asina cuminsa cu un buskeda. Patruyanan di Noord, strand y tambe Playa a presenta pa duna un man. Patruyanan no a logra topa cu e ladronnan. E cas ta un cas bieu cu ta wordo usa pa warda cos unda ta construiendo un compleho di vivienda. Polis a bay tuma dato di e doño y a constata cu e ladronnan a usa un sker di corta hero pa corta e candal y asina drenta paden. Nan a laga un rugtas atras y den e rugtas tabata tin un boormachine cu nan no a logra bay cune.