Diabierna mainta trempan e conocido Christopher Geerman a drenta den My Computer na Dakota y a pasa man un producto y sali bay. E personal di My Computer a sali y sigui su tras y tawata informa na polis unda e ta.
Banda di Misa Fatima di Dakota polis a topa cun’e y a detene. Dogcatcher a presenta y bay cu e detenido warda. Polis a hay’e cu mas articulo entre otro paña cu sapato di hende muhe.
Polis a tuma nan den beslag pa mas investigacion. E persona aki ultimo tempo tin polisnan man yen. E sa frecuenta hopi tambe den area di hotel y ta molestia turista pa cumpra droga. Ya caba su cabes no ta mucho bon y ta bon papia cosnan sin sentido.
Ta spera cu instancianan concerni por hasi algo prome cu ta lat pa no mester bira e caso manera e caso di defunto D. Franken.