Diahuebs anochi central di polis a keda informa di un caso di atraco den area di Noord pa Playa. For di Palm Beach e periodista Speed cu ta kere cu e ta Polis, usando radio di polis pa scucha melding, a cende su zwaailicht y cu horn tabata baha tur auto for di caminda. Automobilistanan tabata baha caminda pa e luz blauw y ta subi bek, y pa ora nan subi caminda bek ta topa cu e luz orañe ta bashanan cu horn y casi ta causa desgracia. Banda di rotonde Tanki FLip un automobilista a yama central di polis reclama e situacion debi cu ainda e tabata tin zwaailicht sendi riba un velocidad halto y kier a yega mes lihe cu e melding ta drenta via e porto cu e tabata scucha den su auto, y riba e caminda di Ponton polis a para speed cu di berdad tabata tin e zwaailicht cendi y hala su atencion. Esaki ta ilegal pa un auto cu no ta di emergencia tin e sistema di sirena y zwaailicht y mucho menos pa baha auto for di caminda treciendo bida di hende na peliger.