Diasabra pasa di 2 or marduga un automobilista tabata sigui un kia sportage blanco den playa coriendo basta malo y esaki a staciona dilanti universidad di aruba. Rato despues e chauffeur a sigui core den un forma iresponsabel subi La Sallestraat pa despues tuma e caminda di Kamerlingh onnestraat. Patruya tabata cera manera e hende a yama raporta cu e auto tabata core malo y dilanti veld di Rca a para e chauffeur. Polis mes a constata cu e chauffeur tabata core malo, y ora a baha pa bay atende e chauffeur a reverse e auto casi dal e oficial. A constata cu e dama chauffeur tabata basta bebi y a keda deteni hiba warda di Polis pa pasa un test oficial manera tur chauffeur ta haci, pa despues keda hiba pa warda di Santa Cruz pa pasa un dia.