Durante un patruya di rutina durante di Soul Beach, polisnan riba bicicleta tabata para ariba e parkeerplaats di Departamento di Asuntonan Social, situa na Caya Ernesto Harms. Nan a tuma nota di un auto Suzuki Baleno, color shinishi di number A- 41104, cu su bentana patras, bandi pasahero habri. Mirando cu e bario ta conoci pa un sinfin di hortamento, polisnan a dicidi di coy loke tabata di balor y trece esakinan na warda di polis. Tabata trata aki di un celular iPhone, dos boshi yabi, un bril di solo, un remote control y algun cen larga. Polisnan a laga un nota atras pa e doño cu e por pasa busca su pertenencianan na warda di polis. Un rato despues, e doño di e auto a bin na warda di polis y el a informa polisnan cu el a bay cinema cu yiunan. Mas sigur un di e muchanan lo a laga e bentana habri. A duna e doño su pertenencianan bek. Comisario di Polis na warda a wordo poni na altura di esaki.