Diasabra marduga un dama a pidi asistencia di polis pafo di Lekker bar na Noord debi cu su pareha a dal e y ningun hende no a yude. Mientras cu polis tabata pago atendiendo cu e caso a start un discusion formal entre algun persona y aki e oficialnan a pidi refuerso.
Di biaha mas patruya a presenta n’e sitio pa duna un man y tur cos a calma, y ofcialnan a bay atende cu grupo di persona pafo cu lo tabata causa problema.
Mientras cu oficialnan tabata atende cu e problema a hayanan mes confronta cu otro caso unda un dama na grito y tabata hayando un ataca. A pone cu a notifica di biaha ambulance pa paramedico haci un control debi cu e dama tabata haci varios cosnan straño, y no sa kico por a pas’e y na yegada di paramedico durante control a constata cu e dama a haya hyperventilatie debi cu el a presencia e bringamento su dilanti.