Diabierna den careda di 3’or marduga polisnan a presenta na Van den Veen Zeppenfeldstraat cu ta caya di San Nicolas pa un bar conoci, unda algun tempo atras a haci actie relaciona cu ilegalidad. Momento cu polisnan a bay atende cu un situacion tabatin algun sospechoso di Village conoci pa husticia y aki a hayanan enfrenta cu Polis, den un movecion sospechoso y momento cu e gang aki a enfrenta cu polis, e agente policial a los un tiro riba riba un di e sospechosonan y esaki a keda leve herida. Mas patruya a presenta na e sitio pa duna un man debi cu e situacion tabata tenso cu e grupo, pa loke polis a haya nan mes enfrenta cu algun sospechoso di Village.
E victima a keda transporta pa hospital cu ambulance, polis a cera e area pa investigacion hunto cu departamento tecnico. Debi cu un polis a usa su arma reglamentario di trabou landsrecherche tambe a acudi na e sitio pa pone nan mes na altura di e situacion y tuma tur dato.
