Diasabra atardi un persona ta raporta na autoridad cu tin un yaris staciona dilanti di Paradera restaurant y un criatura suso den e auto mientras e persona grandi ta den e bar. Patruya di Santa Cruz ta presenta na e sitio y ta topa cu e auto ta saliendo for di e bar cu un señora na stuur.
Di biaha e oficial a duna e auto un señal pa para. Aki e oficialnan a bay hala atencion di e señora debidamente di e informe cu nan a haya cu e mucha chikito lo tabata suso den auto pa basta rato. Polis a tuma datos y a papia cu e señora debidamente cu por a continua despues bay su cas.