Polis di bario Oranjestad pa basta tempo nos por a tuma nota cu e ta teniendo e control riba e taxi piratanan y ta garando basta automobilista ta haci trabou di taxi pirata y autonan sin seguro sin belasting y ta haci e tipo di actonan aki. Diahuebs atardi a sigui un hyundai accent A-70508 cu pa basta tempo Departamento Transporte Publico y polis di bario Oranjestad ta vigilando e persona y awe a logra gare cu persona. Manera e chauffeur ta sinti cu e ta keda sigui a purba huy pero e oficial a logra gare riba caminda di Kamerlingh Onnestraat.
E auto su plachi number no ta ni cuadra cu e vehiculo maske cu e tin un sticker cora a resulta cu e sticker ta pega pa camufla wowo di Polis y e ta di otro auto y e no tin ni seguro riba dje.
Bou ordo di fiscal a tuma e auto den beslag unda e caso aki lo bay corte y afpakteam debi e oficial den e auto a bin topa cu un saco cu basta placa mes cu e persona ta cobra clientenan y a tuma esaki den beslag y a bay warda cu e homber unda lo tuma su dato y pasa e caso over pa haltonan y fiscal lo determina kico ta bay pasa cu e futuro di e homber aki. Debi cu e ta tuma placa manera negoshi y no ta ni declara un cent na belasting. Ta spera cu pronto Minister concerni por una DTP e autoridad pa cuminsa tuma accion contra e taxi piratanan.