Durante patruya, polis a mira un auto para banda di e bushalte dilanti The Village. Nan a mira cu tabata tin dos homber sinta den e auto cu tabata haci sospechoso. Polis a acerca e auto pa asina duna nan un proces verbaal. Na e momento cu a habri bentana, a lanta e sospecho cu e hombernan tabata humando marihuana, tumando nota di e holor sterki. Polis a pidi e rijbewijs di e chauffeur y a pidie pa sali for di e auto. Ta trata aki di e homber RRA. Cu su permiso y riba responsabilidad di e sospechoso, polis a rista den e auto, un Kia Sorento color shinishi. Den e auto nan a bin topa mey mey di e dashboard, dos saco di plastic cu marihuana aden y dos sigaria di marihuana. Den e center console polis a nota un mug di koffie color preto y den dje marihuana, pildonan di xtc. A base di esaki A y tambe e turista JPW, a keda deteni. Den posesion di e turista, polis a bin haya cinco saco di plastic cu marihuana den dje. Ambos sospechoso a wordo hiba warda di strandpolitie, caminda cu nan a keda presenta dilanti di fiscal auxiliar. E Kia Sorento a wordo hiba na warda di Shaba. Central y comandante na warda a wordo poni na altura.