ARNHEM, Hulanda- Polis a aresta shete persona na Hulanda. Nan lo tabata planeando un atake terorista grandi caminda cu e cantidad di victimanan lo tabata grandi.
E arestonan a tuma luga na Arhem, caminda a detene 3 homber, dos di Rotterdam, un di Huissen y un di Vlaardingen. E hombernan na momento di nan aresto tabata tin 5 granaat den nan man.
Atake ariba un evento
E plan presuntamente tabata ta pa haci uzo di bomvest y Kalasjnikov AK47 pa comete un atentado riba un evenmento of un otro luga unda cu nan lo a explota un autobom. E investigacion e luna aki a bay asina rapido door di e claim di e sospechosonan.
E investigacion penal a cuminsa na 2018 cu informacionnan di Algemene Inlichtingen en Veiligheidsdienst (AIVD). Den un investigacion di un luna cu a sigui, polis tabata tin bista ariba un grupo rond di un homber di 34 aña di descendencia Iraki, procedente di Arnhem, cu na 2017 a wordo condena pa motibo di su intencion di bay pa e area di combate di ISIS.
Nan tabata buscando bomvest.
E sospechosonan tabata buscando AK47 pa nan comete e atentado, armanan chikito y materianan prima pa un of mas autobom. Tambe nan lo tabata buscando posibilidad pa train cu armanan di candela y e uzo di bomvestnan.
E edad di e otro sospechosonan ta core di entre 21 te cu 34 aña. Dos di nan ya caba a yega di wordo condenapa nan intencion di biahe pa e area di combate di IS.
No a cambia e nivel di menasa
E Coordinador Nacional contra di Terorismo y Siguridad ta bisa cu e accionnan di Ministerio Publico y polis ta pas den e evaluacion actual di menasa. “E probabilidad di un atake na Hulanda ta real. Na Hulanda tambe tin su red yihadistanan cu e intencion pa comete atentadonan na Europa. E detencionnan aki mester wordo mira desde e punto di bista ey”.