Diabierna marduga un persona cu a caba di traha a bay na un lugar pa cumpra cuminda bandi Tat Fat den Venezuelastraat y a para su auto eynan. Ora e la sali pafo e la constata cu su auto no tey mas. Mas despues un amigo a bise cu e la mira e homber conosi pa polis “Kabouter” cu su auto ta trip den Rancho.
E doño di auto ta notifica central di polis y mesora patruya di Playa ta cuminsa busca den vecindario pa e auto un Ford Focus oro. Bon trabao di e unidadnan di playa ta logra para e auto aki den Consuelostraat net panort di Xavier University. Polis ta encontra cu cuater persona den e auto.
“Kabouter” hunto cu 3 hoben hopi jong. Polis ta detene tur cuater persona pa ladronicia di auto. Den e auto a haya articulo pa usa droga. Polis a tuma datos. Lamentabel pa mira 3 hoben asina jong hopi lat ariba caya coriendo cu “Kabouter”.