Diaranson for di 5or atardi polisnan a keda dirigi algun biaha pa un cas na Zumbo pa un homber cu ta conoci pa husticia cu tabata maltrata e famia di edad na cas. Na yegada di e patruya ya e sospechoso a core drenta mondi manera a sinti cu polisnan ta yegando. Despues di rato polis a bolbe presenta na e cas y aki e homber a drenta mondi atrobe, y aki polisnan a cuminsa rondona e mondi di tanto Zumbo y Cashero y a topa cu e homber canando dilanti di un cas den area di Cashero y asina pone man riba dje.
Vehiculo di transporte tambe a presenta y asina a bay cu e homber pa warda di Polis. Polis a combersa cu e famia cu tabata personanan di edad y a tuma e denuncia y pasa esaki over pa recherche.