Diaranson marduga security cu ta controla Kong Hing supercenter situa na LG Smith Blvd a tuma nota di e glas di e luga kibra. A mira un homber core sali y e security a core su tras y e sospechoso a core drenta lama cu un bate den man. Polis a presenta na e sitio di biaha pa yuda cu e buskeda y asina a topa cu e sospechoso a sali for di awa.
Segun e homber e no sa di nada y ta hende a bahe, pero polis a reconoce como un conoci di husticia y e security a reconoce. Na e luga a tuma nota di dos diferente glas kibra unda e homber a logra drenta horta. Bou un mata banda di e beach polis a haya un tas yena cu boternan di alcohol cu tabata di e sospechoso.