Durante control na Sero Colorado hunto cu Kustwacht, polis a mira algun auto para riba beach na altura di Rodger’s Beach. Tabata tin un grupo di 7 persona bao di un hut. Tabata tin un Toyota Altezza color blanco sin number di auto parti dilanti, pero si patras. Den cuadro cu esaki, polis a pidi pa e documentonan di e auto y parce cu esaki tabata na ordo. A controla e datonan di tur hende cu tabata bao di e hut. Tabata tin tres persona local yama JJJW, JAHG y FCH, un Hulandes yama SHM, un Venezolano y dos dama di habla Hispana yama DDCCH y AMMR. Nan a entrega nan paspoort y den nan tabata tin e carchi di imigracion. Riba e formulario tabata para cu ambos a drenta e isla riba dia 17 di Mei y cu nan mester a bandona e isla dos dia despues. Ambos a conta e storia cu nan a perde nan vuelo. Un luna despues, esaki a pasa acaba. Den cuadro di esaki, ambos a wordo deteni pa personal di Kustwacht den cuadro di ley di Admision y Expulsion y a wordo hiba na warda di San Nicolas. Personal di Warda nos Costa a wordo poni na altura y a indica cu nan lo recoge e detenidonan. Central a wordo poni na altura.