Diaranson anochi un patruya di polis coriendo riba e caminda di Moko pa Tanki Leendert ta topa cu un pick-up Toyota Hilux blanco coriendo basta malo nan dilanti. Un tiki panort di e rotonde di Tanki Leendert polis a duna e auto señal pa para y a baha controla e chauffeur.
E chauffeur no kier a coopera cu polis pero di baina por a para riba su pia. Polisnan a detene pa core auto bou di influencia di alcohol y dogcatcher a presenta pa asina hiba e detenido warda di Shaba pe descansa su curpa. Pero den e auto tawata tin un pasahero y ora polis a para e auto e pasahero a baha for di auto y drenta un cura di cas eynan mes y bisa polis cu ta eynan e ta biba.
Ora polis a caba di atende cu e chauffeur y pone den dogcatcher nan a ripara cu e pasahero ta gewoon drumi den e veranda riba un sofa. Polisnan no a confia y a bay controla e persona y a bin resulta cu e ta ilegal riba nos isla. Di biaha a detene y hinke tambe den e dogcatcher pa warda costa bin atende cune na warda y asina sigui e proceso di deportacion.