Diasabra mainta un grupo di hoben a subi kayak cu persona grandi a sali for di Mangel Halto drenta Spaans Lagoen bay te bou di e brug pa experencia nos naturalesa, ta trata di muchanan di un grupo di scout.
Pero dos mucha riba kayak a tuma e caminda malo y a bay poco afo y a confronta problema pa drenta bek, y e biento fuerte a hunga un rol cu nan a rema cu forsa y a cansa. Polis a keda informa di biaha, a notifica kustwacht y polis maritimo pa bay. Maske cu nan tabata ser guia pa un instructor pa drenta poco poco aden.
Patruya di San Nicolas y otro patruya a acudi na e sitio, pero e oficialnan a mira cu minuutnan ta pasa y bida di hende ta conta. Un polis di fam Hoen hoben riba caya a kita su uniform, y su pertenencia cu e tin bisti dunando su coelga y el a opta pa drenta lama y bay te na unda e muchanan ta y asina logra rescatanan, debi cu no por a keda warda riba e unidadnan riba lama. E muchanan a keda treci te na e baranca cu tin banda di marina pirata. E muchanan a keda contento di e yudansa di polis y nan tabata sano y salvo.
Tin cu gradici e oficial pa su tremendo trabou cu el a haci.