Relaciona cu e video cu a bira viral diahuebs atardi riba media social unda un homber ta batiendo un otro homber na e rotonde na Tanki Leendert riba WVB y un muhe tambe a drenta aden pa golpia e homber a haya atencion di autoridad. Por a compronde di testigonan e pelea a dura algun minuut unda e homber a baha for di un otro auto y aki cos a bay for di man.
E homber cu tabata wordo bati ta conoci pa Polis di Fam M, e lo tabata molestia e dama cu ta su ex y no ta compronde cos a caba y aki e homber Fam H, lo a bay regla cuenta di e forma aki riba caminda publico cu E.M. Polis a haci bishita na caso di esun cu a keda bati pa haya kico ta e motibo.