Diahuebs atardi Polis a bay na un cas na Moko pa un agresion y menasa cu arma blanco. Eynan e victima un señora ta conta cu su pareha un hende homber lo a agredie y tambe menase cu cuchiu y despues bandona e sitio y bay su trabow. Polisnan a tuma dato y despues a presenta na e agresor su trabou na un establecimento di sushi na Tanki Leendert. E patruya a pidi presencia di mas patruya ya cu e establecimento tin dos salida y cu e agresor lo por sali core bay. E patruya nan a topa otro y despues a presenta na e lugar. Na yegada nan ta topa cu e agresor y a coopera y a keda deteni. E señora a entrega denuncia.