Diadomingo anochi laat central di polis ta haya basta yamada cu lo tin un trailer cu musica hopi duro na Papilon den cercania di veld di Estrella. Di biaha un patruya di polis ta bay na e sitio y ta topa cu e mesun trailer di musica di e canditato Benny riba lista di AVP cu tawata envolvi den e confrontacion mas trempan na e rotonde di Sta Cruz.
Polis a para tur cos y atende fuerte cu nan y hala nan atencion ya cu na e confrontacion polis a pidi tur e candidatonan envolvi tanto di Mep y di Avp pa please bandona e sitio y mirando e ora pa termina cu tur cos y cuminsa busca caminda pa cas.
Pero tog nan a nenga ordo di polis y sigui bay campaña eybanda mes y ya a bira basta laat anto cu musica duro caminda tin basta cas y cu muchanan cu tin cu bay drumi pa bay scol mainta y hende grandinan cu tin cu bay traha trempan.
Mester bisa cu e ultimo simannan aki AVP a mustra un arogancia y falta di respet cu a cuminsa na e debate di Camara di Comercio unda a pidi pa no bin cu niun material di promocion politico nan e debate y ni interumpi otro candidatonan di otro partido y aki tur hende por corda cu e simpatisantenan di Avp no por a mantene nan mes na regla.
Diamars tambe central di polis a wordo yena cu yamada cu trafico di tur direccion pa e rotonde di Piet na playa ta stanca. Ora polis a manda varios unidad a bin topa cu e lider di Avp Mike Eman cu dicidi di gewoon blokia trafico y para mei mei caminda pa parti sticker. Aki polis a para tur cos pa motibo cu ta 5or di atardi y mayoria di hende ta stop di traha y trafico a bira un caos. Y ayera atrobe ta nenga ordo di polis pa bay cas y ta sigui campaña den oranan laat y cu muziek duro.